Bill Gates haqida
Oddiygina Bill Geyts(ingl. Bill Gates) sifatida tanilgan Uilyam Genri Geyts III (ingl. William Henry Gates III 28 oktyabr 1955 yil, Sietl)-amerikalik ishbilarmon bo’lib, Microsoft kompaniyasining yirik aksioneri va asoschilaridan biri (Pol Allen bilan hamkorlikda). Geytsni birinchi asos solgan kompaniya nomi – Traf-O-Data edi. Unga omad olib kelgan firma nomi dastlab Micro Soft(probel bilan) shaklida yozilar edi. 13 yoshida Bill Geyts do’stlari bilan maktab kompyuterini buzishga erishishgan va mahfiy ma’lumotlarni ko’rishga muyassar bo’lishgan. Bu kichik xakerga jazo choralari ko’rilmagan, balki uni Sietl kompyuter markazi o’z dasturlarini tekshirish uchun ishga yollagan.
Billning ota-onasi o’g’lini kompyuterga bo’lgan munosabatini o’zgartirish maqsadida, hattoki o’g’lini kompyuterga yaqinlashishni taqiqlab qo’yishgacha borishdi, bu taqiqlov vaqtinchalik holat edi. Shu vaziyatlarda u tarixiy shaxslar haqidagi kitoblarni o’qir edi. Maktab paytlarida Geyts o’z do’sti Pol Allen bilan kompyuter dasturlarini yaratishni boshlashgan edi. O’sha paytda u Napaleon tarjimai holi asosida “RISK” nomli o’yin yaratadi. Birinchi dasturini Bill maktab paytida yaratgan bo’lib, bu dastur effektiv dars jarayonini rejalashtirishni amalga oshirar edi. Birinchi eng katta gonarar(xizmat haqi)ini Bill 15 yoshida olishga erishadi. Shu yoshda u ko’cha harakatini boshqaruvchi dastur yaratishga erishadi. Xizmat xaqi 20 ming dollarni tashkil etar edi. 1968 yil Leyksayd nomli kollejga birinchi kompyuter o’rnatiladi, Bill o’sha kollejda kun va tunni o’tkazib, o’qish reytingi tushib ketishiga sabab bo’ladi. Geyts, Pol Allen va Leyksayd kollejidagi do’stlari birgalikda ruxsat etilmagan dasturlar tuzishib, kompyuter ishlashini izdan chiqarishar edi. Garvarddagi o’qish uni zeriktirar edi va u asosan dasturlash yoki poker o’ynash bilan vaqtini o’tkazar edi. Geyts universitetda darslarni o’zlashtirolmaganligi sababli 1974 yil kassallik varaqasi ochtiradi va keyinchalik Garvard universitetidan chetlatiladi, shunga qaramasdan Bill, keyinchalik bu universitetni tamomlashga erishadi. To’g’rirog’i universitet administrasiyasi unga diplomni hadya qiladi. Garvart universiteti professorlariga Bill 30 yoshida millioner bo’lishini aytar edi, qarangki u 31 yoshida milliarder bo’lishga erishdi. 1990 yil oxirlarida 90% ga yaqin shaxsiy kompyuterlar Microsoft firmasining dasturlari bilan ishlar edi. 38 yoshida Geyts, oyiga millionga yaqin Windows nusxalari sotishga erishadi. 1994 yil Bill Geyts Melinde French nomli ayolga uylanadi va to’yni o’tkazish uchun Gavaya orollaridan birini arendaga oladi. Hozirda uning 3 farzandi(Djennifer Katarin Geyts (Jennifer Katharine Gates) (26 aprelya 1996 y.), Rori Djon Geyts (Rory John Gates) (23 maya 1999 y.) va Fibi Adel Geyts (Phoebe Adele Gates) (14 sentyabrya 2002 y.)) bor. Bill umumiy hisoblaganda 30 milliardga yaqin pullarini hayriya ishlariga sarflagan. Har sekundda bizning qahramon 250$ mablag’ topadi, bu degani kuniga 21,6 million va yiliga 7,8$ milliard. Agar Windows foydalanuvchilari, operasion tizimning har bir qotib qolishi(xato oynasi) uchun 1 dollardan olishsa, Geyts 3 yil ichida honavayron bo’lar edi. Dunyo o’rgimchak to’risi(www) rivojlanyotgan paytda Bill shunday degan edi:”Internet – bu kelajagi yo’q g’oyadir”. Shunga qaramasdan u bir necha yildan so’ng o’zining eng yaxshi dasturchilarini shu yo’nalish rivoji uchun xizmat qilishini so’ragan edi. 1997 yil Geyts Chikagolik Adam Kvinn Pletcher (Adam Quinn Pletcher) tomonidan amalga oshirilgan firibgarlikning qurboni bo’lgan. Geyts sud zalida guvohlik bergan va Pletcher aybdor deb topilib, 1998 yil iyul oyida unga 6 yillik qamoq jazosi berilgan. 2008 yil iyun oyiga qadar Bill Microsoft ning boshlig’i bo’lgan, lavozimidan ketgandan so’ng(bu haqda u 2006 yil ma’lumot bergan) kompaniya direktorlar uyushmasining ijrochi bo’lmagan raisi lavozimida qolgan. Shuningdek Bill hayriya fondining raisi hisoblanadi. Har yili Geyts 1 million dollarga yaqin mulk solig’i to’laydi. Billning katta bobosi qonunshunos va xokim(mer), otasi esa advokat edi Bill to’g’risida juda ko’plab kitoblar yozilgan, agar siz amazon.com sayti orqali Gates so’zini kalit so’z sifatida tersangiz 130 mingdan ortiq asar topishingiz mumkin. Bill “Kelajakka yo’l” nomli kitob yozganini ko’pchilik bilmasa kerak. U, bu kitobda axborot texnologiyalari rivojlanish davrida, jamiyatniig qarashlari ga o’z munosabatini bildiradi. Kitob nashrdan chiqqandan so’ng 7 hafta davomida dunyoning asosiy bestseller (eng ko’p sotiladigan) asarlari ro’yxatining 1 o’rinidan tushmagan.
Maqola www.aql.uz saytidan olindi,
Manba: http://aql.uz/article_view.php?id=145
p